Փութին խօսքը ուղղելով Օպամային ըսաւ` «Ռուսիան ու Միացեալ Նահանգները յատուկ պատասխանատուութիւն
կը կրեն աշխարհի վրայ կայունութեան աամար»։
«ՌԻԱ Նովոսթի» կը հաղորդէ, որ Ռուսիոյ նախագահ Վլատիմիր Փութին` դիմելով Միացեալ Նահանգներու
նախագահ Պարաք Օպամային, Միացեալ Նահանգներու անկախութեան օրուան առիթով նշած է, որ Ռուսիան
ու Միացեալ Նահանգները` յատուկ պատասխանատուութիւն կը կրեն միջազգային կայունութիւնը
ապահովելու գործին մէջ եւ պէտք է համագործակցին ի շահ ամբողջ աշխարհի: Քրեմլինի հրապարակած
մամլոյ հաղորդագրութեան մէջ նշուած է. «Փութին նաեւ ընդգծած է, որ Ռուսիան եւ Միացեալ
Նահանգները` իբրեւ գերտէրութիւններ, որոնք յատուկ պատասխանատուութիւն կը կրեն միջազգային
կայունութեան եւ անվտանգութեան համար, պէտք է համագործակցին ոչ միայն սեփական ժողովուրդներու,
այլ նաեւ ամբողջ աշխարհի շահերէն մեկնելով»: